Tbilisi Gastro Week 2025 გაიხსნა
Tbilisi Gastro Week 2025 მსოფლიოს მასშტაბით აღიარებულ შეფებსა და საქართველოს კულინარიულ ექსპერტებს ერთ კულინარიულ კვირეულზე მოუყრის თავს.
კვირეული 18-დან 22 ივნისამდე გაგრძელდება და მოიცავს ექსკლუზიური ვახშმების და ვორქშოფების სერიას, თითოეული მათგანი წარიმართება საერთაშორისო და ქართველი შეფების ტანდემით. სტუმრებს ელით უნიკალური, ერთობლივი მენიუები, რომლებიც მომზადებულია მდგრადი სამზარეულოს პრინციპებზე დაყრდნობით.
კვირეულის თემაა „მდგრადი გასტრონომია“.
Tbilisi Gastro Week 2025-ის მიზანია მდგრადი კულინარიული პრაქტიკის პოპულარიზაცია საქართველოში და ამავე დროს ტრადიციული ქართული სამზარეულოს ეკოლოგიური, სოციალური და ეთიკური ღირებულებების გაძლიერება.
