70 000 ლარამდე ბიზნესსესხი 0%-ში — თიბისის ახალი შეთავაზება

თიბისი მცირე ბიზნესის წარმომადგენლებს 70 000 ლარამდე დაფინანსების მიღების შესაძლებლობას სთავაზობს. ბიზნესსესხი მიკრომეწარმეობის მხარდაჭერის სახელმწიფო პროგრამის ფარგლებში გაიცემა.

პროგრამით შესაძლებელია 20 000-დან 70 000 ლარამდე სესხის მიღება 0%-იანი საპროცენტო განაკვეთით, პროცენტის სრული სახელმწიფო სუბსიდირების პირობებში.

ვისთვის არის განკუთვნილი დაფინანსება?

დაფინანსება განკუთვნილია როგორც ახალი ბიზნესის დასაწყებად, ისე არსებული საქმიანობის გასაფართოებლად. პროგრამის ფარგლებში საკუთარი უძრავი ქონებით უზრუნველყოფა საჭირო არ არის, ხოლო სესხის ძირი თანხის 80%-მდე სახელმწიფო გარანტიით იფარება.

პროგრამაში მონაწილეობა შესაბამისი პირობების დაკმაყოფილებას მოითხოვს. დაფინანსების მოცულობისა და განაცხადის მომზადების შესახებ კონსულტაციის მიღება შესაძლებელია თიბისიში.

წყარო: თიბისის ოფიციალური ვებგვერდი.