სახელმწიფო კლინიკებს COVID-ჯარიმებისგან ნაწილობრივ გათავისუფლებას სთავაზობს
სახელმწიფო კლინიკებს COVID-ჯარიმებისგან ნაწილობრივ გაათავისუფლებს, თუ ისინი გარკვეულ ვადაში 25%-ს აანაზღაურებენ. ამის შესახებ ჯანდაცვის მინისტრმა მიხეილ სარჯველაძემ ბრიფინგზე განაცხადა.
მისი ინფორმაციით, ჯამური დავალიანება დაახლოებით 26 მილიონი ლარია.
“COVID-ის პერიოდში სამედიცინო დაწესებულებების მიერ გაწეულ მომსახურებასთან დაკავშირებით არსებობდა არაერთგვაროვანი შეხედულებები საზოგადოებაში, ინფორმაციაც იმასთან დაკავშირებით, რომ სამედიცინო სერვისების ანაზღაურებასთან დაკავშირებული საკითხი მნიშვნელოვანი ნაკლოვანებით იყო წარმართული და არსებობდა გარკვეული პრობლემები თვითონ სამედიცინო დაწესებულებების საქმიანობაში. ეს მათ შორის არაერთ აქტშია ასახული, რომლითაც ეს დაწესებულებები შემოწმდა.”- განაცხადა მინისტრმა.
მინისტრის თქმით, ეს ინიციატივა თავად სექტორიდან მოდიოდა. ასევე არის გარკვეული სამართლებრივი დავებიც, რადგან სექტორში ფიქრობენ, რომ შემოწმებების პროცესში ხარვეზები იყო.
