Mastercard-მა და AI Hub-მა “ნებულამ” ტექნოლოგიური განათლების გაძლიერების მიზნით სტრატეგიული პარტნიორობა დაიწყეს
Mastercard-მა და AI Hub-მა “ნებულამ” ტექნოლოგიური განათლების გაძლიერების მიზნით სტრატეგიული პარტნიორობა დაიწყეს. შეთანხმება ოფიციალურად 28 მარტს გაფორმდა და მიზნად ისახავს საგანმანათლებლო კურსების შექმნას ხელოვნური ინტელექტის (AI), ფინანსური განათლების, ელექტრონული კომერციისა და კიბერუსაფრთხოების მიმართულებებით.
პირველი კურსი, რომელიც ხელოვნური ინტელექტის განვითარებას ეხება, 2025 წლის აპრილიდან დაიწყება და 8 კვირას გასტანს. კურსის დასრულების შემდეგ სტუდენტები შეძლებენ დამოუკიდებლად შექმნან AI ინსტრუმენტები, მათ შორის ჩატბოტები, სურათების ამოცნობის მოდელები და პროგნოზირებადი ანალიტიკის ხელსაწყოები.
