მიკრობანკი “კრისტალი” ბიზნესსექტორის მხარდაჭერას განაგრძობს

მიკრობანკი “კრისტალი” აცხადებს, რომ კვლავ აქტიურად განაგრძობს მცირე და საშუალო ბიზნესების მხარდაჭერას. ამ მიზნით, კომპანია სისტემატურად მართავს შეხვედრებს და მასტერკლასებს სხვადასხვა მიმართულებით მომუშავე ბიზნესკომპანიების წარმომადგენლებისთვის.

კომპანიის ინფორმაციით, მცირე და საშუალო ბიზნესების წარმომადგენლებისთვის ჩატარდა მასტერკლასი თემაზე „ბიზნესისთვის მნიშვნელოვანი ფინანსური კოეფიციენტები“, რომლის მიზანი ბიზნესის მფლობელებისთვის ფინანსურ საკითხებში ცოდნის გაზიარება და მათი პრაქტიკაში გამოყენების გზების ჩვენება იყო. აღნიშნულ საკითხებზე ახალი ინფორმაციის მიღება დაეხმარება მცირე და საშუალო კომპანიებს განვითარებასა და სწორი ბიზნესგადაწყვეტილებების მიღებაში.